Toshkent xalqaro aeroportida Samsung Galaxy Note 7 bilan bog‘liq e'lonlar paydo bo‘ldi

Toshkent aeroportining xalqaro parvozlarni amalga oshiruvchi terminalidagi ro‘yxatga olish hududida yangi ogohlantirish e'lonlari paydo bo‘ldi. Unda, Samsung Galaxy Note 7 smartfoni bilan bog‘liq ehtiyot choralari haqida so‘z boradi. Xususan bu e'lonlarni Air Astana aviakompaniyasi reysi uchun ro‘yxatdan o‘tish chog‘ida ko‘rish mumkin bo‘lgan. E'londa shunday deyiladi:

Parvoz xavfsizligini ta'minlash maqsadida, Samsung Galaxy Note 7 mobil telefoni bilan parvoz qilishni rejalashtirayotgan yo‘lovchilar quyidagi talablarga rioya qilishlari kerak:

-  telefon faqat qo‘l yukida olib o‘tilishi kerak
-  telefon parvoz davomida o‘chirilgan bo‘lishiga ishonch hosil qilish
-  parvoz vaqtida telefonni umuman qayta quvvatlantirmaslik