Туркия Европа Иттифоқига муҳожирлар бўйича келишувни узиш билан таҳдид қилди

Жаҳон 19 Октябрь 2016 5370
Фото: REUTERS

Туркиянинг Европа Иттифоқи ишлари бўйича вазири Омер Челик агар 2016 йил охиригача Туркия фуқаролари учун Европа Иттифоқига визасиз кириш тартиби киритилмаса, Туркия Европа Иттифоқи билан муҳожирлар бўйича келишувни узишини маълум қилди.  

"Агар йил охиригача визасиз тартиб ўрнатилмаса, у шундоқ ҳам кечикди, унда унинг киритилиши йўққа чиқади", деб вазир британиялик ҳамкасби Алан Дункан билан биргаликда берган матбуот-анжуманида айтган сўзларни Hurriyet Daily News нашри келтирмоқда.

Челикнинг айтишича, Туркия визасиз тартибни олиш учун ўзининг барча мажбуриятларини бажармоқда. Унинг айтишича, Грецияга Туркиядан ҳар куни келаётган муҳожирлар миқдори 20-30 кишигача камайди, ваҳоланки 2015 йилда бу кўрсаткич 7 минг киши бўлган.

Челик давлат тўнтарувига уринишдан кейин ҳали ўзига кела олмаган ва Сурияда ИШИДга қарши кураш олиб бораётган Туркия аксилтеррорчилик қонунларини кўриб чиқмаслигини, чунки бу "Туркия ва Европа хавфсизлигини таҳдидга қўйиш" деганини англатишини айтди. 

Аввалроқ Еврокомиссия раҳбари Жан-Клод Юнкер Туркия томондан қаттиққўл аксилтеррорчилик қонунчилигини қайта кўриб чиқмасдан у билан визасиз тартиб киритиш мумкин бўлмаслигини айтган.

Мартда тузилган Европа Иттифоқи билан келишувга кўра, 20 март кунидан бошлаб Грецияга Туркия орқали келаётган ноқонуний муҳожирлар яна Туркияга қайтарилади. Европа Иттифоқи бунинг эвазига Туркиядан суриялик муҳожирларни 1:1 нисбатда қабул қилиш ва Туркия ҳудудидаги қочқинларнинг эҳтиёжларига 6 млрд евро ажратиш мажбуриятини ўз зиммасига олган.    

 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 51241 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16133 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 98413 Ўзбекистон
Хитойда биринчи интернет-суд очилди
10:03 1 Жаҳон
БМТ: Испания қочқинлар билан ишлаш учун етарли манбага эга эмас
10:00 15 Жаҳон
Европа лигаси. «Милан» македонларга 6та гол урди, «Марсель» Слования клубини енга олмади ва бошқа натижалар
09:58 53 Спорт
Яна бир давлат Венесуэлага қарши санкциялар киритади
09:53 385 Жаҳон
Барселонадаги теракт ижрочиси деб гумон қилинган шахс полицияга келиб, айбсизлигини айтди
09:50 639 Жаҳон
Каталония ҳукумати уч кунлик мотам эълон қилди
09:42 902 Жаҳон
Атлантика океани жанубида кучли зилзила юз берди
09:40 272 Жаҳон
Кўпроқ янгиликлар