Жасур Абдураимов: «Кейинги босқичда ким рақиб бўлишининг фарқи йўқ»

Спорт 19 Октябрь 2016 7183
Фото: ЎФФ

Ўзбекистон ёшлар терма жамоаси бош мураббийи Жасур Абдураимов Австралия ёшлар терма жамоасига қарши ўйиндан кейин ўтказилган матбуот анжуманида ўз шогирдларининг характер кўрсатган ҳолда ғалабага эришганини эътироф этди. Мураббий бунинг учун футболчиларга раҳмат айтиб ўтган.

“Бугун жуда қийин рақибга қарши ўйинда муҳим ғалабага эришдик. Ўйиннинг илк дақиқаларидан, то сўнгги дақиқаларгача майдонда қаттиқ кураш кечди. Иккинчи бўлимда жуда қийин вазиятларда жамоа ажойиб ўйин намойиш этди. Сўнгги дақиқаларгача курашган ва ўз характерини намойиш этган футболчилар билан фахрланаман. Бугунги ўйиндаги жасурлик ва матонат учун уларга раҳмат”, - деди Ўзбекистон U-19 терма жамоаси устози.

“Кейинги ўйинга эртадан тайёргарликни бошлаймиз. Кейинги ўйинда кимлар майдонга тушишини айта олмайман. Ўйинга яқин таркибни аниқлаймиз. Аммо, аниқ айтишим мумкинки, Хитойга қарши ўйинда майдонга тушадиган футболчиларнинг барчаси фақат ғалаба учун ўйнашади.

Биз рақиб танламаймиз. Аввал ҳам айтганимдек, ўзимизнинг ўйинларимиз ҳақида кўпроқ ўйлаймиз. Мақсадимиз ўйиндан ўйинга яхшироқ ва кучлироқ ўйин намойиш этиш. Плей-оффда ким билан ўйнашнинг аҳамияти йўқ. Ҳар қандай рақибга қарши ўйнай олиш керак. Рақиб танлаш яхши эмас. Бу нотўғри ва салбий оқибатларга олиб келадиган фикр”, дея қўшимча қилган у.

Ўз навбатида Австралия термаси мураббийи Уфук Талай ҳам ўз фикрларини билдириб ўтган.

“Бугун ўйинимиз қовушмади ва хатоларимиз туфайли имкониятни бой бердик. Ўзбекистон ҳимояда яхши ўйин намойиш қилишини ва бизга бугун гол уриш осон бўлмаслигини билар эдик. Хатоларимиз устида ишлаймиз ва навбатдаги ўйинда уларни такрорламасликка ҳаракат қиламиз”, деган у.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47677 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64248 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34870 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19874 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60414 Жамият
Франция Трампнинг Афғонистон бўйича қарорини қўллаб-қувватлади
18:56 14 Жаҳон
Ўзбекистонда ўзиучар қурилмалардан фойдаланиш корхонаси ташкил этилади
Ҳамза Жумаев телевидениега қайтди
18:38 2332 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 789 Жаҳон
Кўпроқ янгиликлар