ФИФАнинг янги рейтингида Ўзбекистон Япония ва Россия терма жамоаларидан юқорида

Спорт 20 Октябрь 2016 13691
Фото: ЎФФ

Бугун ФИФА сайтида ташкилотнинг навбатдаги рейтинг жадвали эълон қилинди. Янги рейтингда Ўзбекистон терма жамоаси 48-ўринда жойлашди

Сентябрь ойи якунларига кўра, Ўзбекистон термаси бир ой аввалги рейтингга нисбатан 1 поғонага кўтарилди. Аввалги рейтингида 621 очко билан 49-ўринда бўлган терма жамоа янги рейтингга кўра 617 очко тўплаган. Жамоа ЖЧ-18 саралаши доирасида Эронга ютқазди, Хитойни мағлуб этди. Лекин Россия термаси қуйига шўнғиши ортидан Ўзбекистон 1 поғона юқорилаган.

Терма жамоа Осиёда тўртинчи поғонани банд этиб турибди. Эрон Ўзбекистон ва Жанубий Корея устидан қозонилган ғалабалардан кейин бирданига 10 поғона юқорилаб, 27-ўринга чиқиб олган.

Австралия терма жамоаси 40-қаторни (+5) эгаллаб турган бўлса, Жанубий Корея 44-поғонага жойлашган (+3). 

Ўзбекистондан пастроқда жойлашган терма жамоалар қаторида Япония (51), Саудия Арабистони (54) ва БАА (70) терма жамоалари кўриш мумкин.

Терма жамоанинг ЖЧ-2018 саралаш босқичидаги рақиблари Хитой ва Қатар терма жамоалари 6 поғонадан қуйилаб, мос равишда 84 ва 91-ўринларга жойлашган. Сурия эса бирданига 18 қаторга юқорилаб, кучли юзталикка кирди (96-ўрин).

Марказий Осиё давлатларидан Қирғизистон 9 ўрин юқорилаб, 99-ўринга жойлашди ва ўз тарихидаги энг яхши натижани кўрсатди. Қозоғистон 7 ўрин қуйилади ва 90-ўринга тушди. Туркманистоннинг янги рейтингдаги ўрни 2та пунктга яхшиланган (111-ўрин). Марказий Осиё давлатлари ичидаги энг паст кўрсаткич Тожикистонга тегишли (140-ўрин, +4).

Ўзбекистон терма жамоаси МДҲ ва Болтиқбўйи давлатлари орасида 2-ўринга чиқиб олган. Фақат Украина термаси 29-ўрин билан Ўзбекистондан юқорида жойлашган. Россия эса 53-ўринга тушиб кетди ва Собиқ Иттифоқ мамлакатлари орасида 3-жамоага айланди.

Рейтингда Аргентина терма жамоаси 1621 очко билан етакчилик қилмоқда. Иккинчи ўринга Германия (1465 очко, +1), учинчи ўринга Бразилия жойлашган (1410 очко, +1).

Кучли бешликни Бельгия (1382 очко, -2) ва Колумбия (1361 очко, -1) якунлаган.

Энг яхши юқорилаш Черногория томонидан қайд этилган. "Қоратоғликлар" бирданига 49 поғона "сакраб" 570 очко билан 56-ўринга жойлашган. Энг "чуқур шўнғиш" эса Кипр томонидан қайд этилди - оролликлар жамоаси 52 ўрин пастлаб, 228 очко билан 139-ўринга тушган.
 
200 терма жамоанинг кейинги рейтинги 2016 йилнинг ноябрида эълон қилинади.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 14413 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 68199 Жамият
Кун.uz офис изламоқда
15:48 / 06.08.2017 37096 Lifestyle
"Реал" Испания Суперкубоги соҳиби!
04:08 614 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 1015 Жаҳон
Саакашвили Украинага қачон қайтишини маълум қилди 
01:15 1590 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 1608 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар