Россия мудофаа вазири Сергей Шойгу Ҳалабдаги гуманитар танаффус номини олган ўт очмаслик борасидаги режим бир суткага узайтирилгани ҳақида маълум қилди.

Шойгунинг сўзларига кўра, мазкур қарор президент Путин томонидан қабул қилинган ва Сурия раҳбарияти томонидан тасдиқланган.

Ҳалабдаги "Гуманитар танаффус" 20 октябрнинг тонгги соат саккизида бошланган ва маҳаллий вақт билан 19:00га қадар давом этиши керак.
БМТнинг маълум қилишича, шаҳардаги тинч аҳоли вакилларини кўчириш учун 12 соат вақт талаб этилади.

Аввалроқ Россия БМТни Ҳалабда уч кун ичида суткасига 11 соатдан ҳеч қандай бомбардимонлар бўлмаслиги ҳақида хабардор қилган эди.