АҚШ президентлигига Республикачилар партиясидан номзод бўлмиш Дональд Трампнинг ҳисоблашича, Россия, Сурия ва Эрон Суриядаги вазиятда АҚШ билан янги ўйин бошлашди.

"Уларда 3 ҳафта олдин тинчлик сулҳи бор эди. Бу вақтда Россия катта ҳудудни назорат қилиб турганди. Энди улар янада каттароқ ҳудудда тинчлик сулҳи амалда бўлишини, яъни, янада каттароқ ҳудудга эгалик қилишни истамоқда... Улар бизни қайтадан ўйинга таклиф этишди. Агар у (Клинтон) ўша ерда бўлганида ҳеч нарсани ҳал эта олмасди. Путин, Асад ва Эрон бизни бу ўйинда ортда қолдиришди. Ҳеч ким бизнинг раҳбариятимиз қанчалар нодонлигига ишонмаяпти", деган Трамп АҚШ президентлигига демократлар номзоди Ҳиллари Клинтон билан телебаҳс чоғида.