Ўн баллик хафв даражасидан 8 балл деб белгиланган кучли денгиз тўфони Ҳонгконгга яқинлашмоқда. Шу сабабли таълим муассасалари ёпилиб, авиарейслар бекор қилинган, шунингдек, фонд биржасидаги савдолар тўхтатилди деб ёзмоқда South China Morning Post газетаси.

Фавқулодда ҳолатлар бошқармалари шаҳарга жиддий талофатлар етиши ҳамда вайронагарчиликлар рўй беришини тахмин қилмоқда. 

600дан ортиқ авиарейс бекор қилинган ёки вақтинча ортга сурилган. Бундан ташқари, жамоат транспорти ҳам узилишлар билан ишлаши айтилмоқда. Фуқаролардан соҳилбўйидан узоқроқ туришга ва сув спорти турлари билан шуғулланмаслик тавсия қилинмоқда.