Тереза Мэйнинг 100 кунлиги: Буюк Британияда нималар ўзгарди?

Жаҳон 21 Октябрь 2016 6187
Фото: ВВС

20 октябрь, пайшанба куни Тереза Мэй Буюк Британия бош вазири сифатида иш бошлаганига 100 кун бўлди. Ана шу кунлар ичида қиролликда нималар ўзгарди?

Ўтган 3 ой ичида Тереза Мэй ва унинг маҳкамаси сиёсатда ва Британиянинг кундалик ҳаётида унча кўп бўлмаган ишларни амалга оширди.

Ҳали олдинда Евроиттифоқдан чиқиш сингари катта иш турибди. Аммо нимадир ўзгарган бўлса, унда улар билан қуйида танишишингиз мумкин.

“Брексит” бошланиш вақти
Аввал: Бу ҳақда Тереза Мэй бошида ноаниқ фикр билдирган эди. У ЕИдан чиқиш жараёни Лиссабон келишувининг 50-моддасига мувофиқ олиб борилиши ва бу жорий йилнинг охири ёки кейинги йилнинг бошига тўғри келишини айтган эди.

Ҳозир: Октябрь бошида Тереза Мэй ЕИдан чиқиш жараёнини 2017 йилнинг март ойидан расмий равишда бошлашга ваъда берди. 9-10 март кунлари ЕИнинг навбатдаги саммити бўлиб ўтади. Балки Мэй икки йиллик жараённинг бошланишини айнан ўшанда маълум қилар.

Фунт стерлинг курси
Аввал: Мэй сайланган вақтда 1 фунт 1,32 долларни ташкил этар эди. Аввалроқ, референдумга қадар эса ушбу кўрсаткич 1,47 доллар эди.

Ҳозир: Орадан уч ой ўтиб, бу ҳолат 1 фунтга 1,22 долларни ташкил этмоқда. Фунтнинг тушиб кетиши – бу ҳозирча “брексит”нинг иқтисодга бўлган таъсиридир.

Инфляция (йиллик ҳисоблаш)
Аввал: Июлда – 0,6 фоиз, июнда – 0,5 фоиз.

Ҳозир: Сентябрда – 1 фоиз.
Статистикларнинг айтишича, инфляциянинг тезлашиши ва фунтнинг тушиб кетиши ўртасида ҳеч қандай боғлиқлик кузатилмаган.

Этник нафратга асосланган жиноятлар
Аввал: 2015 йилнинг июль ойида 3886 ҳолат полиция томонидан қайд этилган.
Ҳозир: 2016 йилнинг июль ойида бу кўрсаткич 5468тани (41 фоиз ўсиш) кўрсатган. Августда тушиш кузатилган. Бу борада юқорилаш Мэйнинг бош вазир бўлиши билан эмас, балки референдум ўтказилиши билан боғлиқ. Мутахассислар бу ҳолатга нисабатан аниқ фикр айта олишмаяпти: уларнинг сўзларига кўра, бу ҳуқуқбузарликнинг ростан ошиб кетиши ёки референдумдан сўнг жиноятлар ҳақида берилаётган хабарларнинг ошиши.

Сарвар Анвар ўғли тайёрлади

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22648 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24744 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12756 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54036 Жамият
Тиббиётдаги энг хавфли 10 жараён
19:31 845 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1121 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 981 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 2525 Спорт
Кўпроқ янгиликлар