Европа чемпионлар лигаси финали келгусида Европа ҳудудларидан ташқарида бўлиб ўтиши мумкин. Бу эҳтимол ҳақида УЕФАнинг янги президенти Александер Чеферин гапириб ўтган.

«Бу ҳозирча бир ғоя, уни муҳокама қилишимиз керак. Менимча Португалиядан Озарбойжонга учиш билан Португалиядан Нью-Йоркка учиш бир хил. Шунинг учун бундай қарор қабул қилиниши мухлислар учун катта муаммога айланмайди. Лекин бу европаликларнинг турнири экани бор гап, биз буни яхшилаб ўйлаб кўрамиз.

Финалга мезбонлик қилиш ҳуқуқини қўлга киритиш шаффофликни талаб этади. Сиёсий сабаблар ҳисобга олинмаслиги керак. Агар кимдир бизга босим ўтказишга ҳаракат қилса, жавобимиз аён: «Кечириб қўйинг, бизда аниқ қоидалар бор, биз сиз айтган ишни қила олмаймиз», деган Чеферин.

AP хабарида қайд этилишича, кейинги мавсумда ЕЧЛ финали катта эҳтимол билан Нью-Йоркда ўтади.

Манба: Tribuna.uz