БМТ Сурия ҳукуматини мамлакат ҳудудида амалга оширилган учинчи кимёвий хуружда айблади, деб хабар қилмоқда Reuters агентлиги. Бу ҳақда БМТ ХК махфий ҳисоботида сўз юритилган. 

Қайд этилишича, мазкур ҳужжат БМТ ва Кимё қуролини тақиқлаш ташкилоти ҳамкорликда олиб борган 13 ойлик тергов ишлари натижасига асосланган. Унда, кимёвий қурол 2015 йил 16 мартида Идлиб вилоятининг Каминас аҳоли пунктида қўлланилган. 

Аввалроқ, Россиянинг БМТдаги доимий вакили Виталий Чуркин, БМТ ва КҚТТнинг ҳисоботидаги кимё қуроли қўлланилиши ҳақидаги айрим маълумотлар уйдирма бўлиши мумкинлиги ҳақида баёнот берган эди.