Kamerunda yo‘lovchi poyezdining temir yo‘l izlaridan chiqib ketishi oqibatida halok bo‘lganlar soni 53 kishiga yetdi. Bu haqda Kamerun transport vazirligiga iqtibos keltirgan holda Reuters axborot agentligi xabar berdi.
Ta'kidlanishicha, poyezd izlardan chiqib ketib, to‘ntarilib ketgan. Voqea oqibatida 300 ga yaqin kishi jabrlangan.
Poyezd Kamerunning ikkita eng yirik shahri orasida harakatlanayotgan bo‘lgan.
Mamlakat transport vazirining aytishicha, falokat Eseka shahridagi temir yo‘l stansiyasi yonida yuz bergan.