Ироқ Туркияга таҳдид қилувчи террорчилик ташкилотларини йўқ қилиши керак. Анқара бундай ташкилотлар сирасига Курдистон ишчи партиясини киритади. Бу ҳақда Туркия бош вазири Бинали Йилдирим айтиб ўтди, деб хабар бермоқда RT нашри.

"Ироқ биринчи навбатда Туркияга таҳдид қилувчи террорчилик ташкилотларини йўқ қилиши керак", деб Йилдирим айтган сўзларни келтириб ўтди Anadolu ахборот агентлиги. 

Йилдиримнинг айтишича, Туркиянинг Суриядаги саъй-ҳаракатлари биринчи навбатда террорчилик ташкилотларини йўқ қилишга қаратилгандир. 

"Биз PYD (Демократик иттифоқ) ва YPG (курд халқ мудофааси отрядлари) ҳамда ИШИДни террорчилик ташкилотлари деб ҳисоблаймиз. Бизни Анқаранинг террорчиликка қарши қадамлари борасидаги гаплар қизиқтирмайди. Биз миллий хавфсизлигимизни таъминлаш учун барча зарур ишни қилмоқдамиз ва қиламиз. Биз кимнингдир ерига даъвогарлик қилмаяпмиз", деб айтди Йилдирим.  

Йилдиримнинг айтишича, АҚШ Туркияга Суриянинг шимолидаги Муйнбич шаҳрида "бирорта PYD/YPG жангариси қолмаслигига" ваъда берган.

Аввалроқ Туркия ҳарбий-ҳаво кучларининг Сурия шимолида ўтказган ҳаво операцияси давомида курд тузилмаларининг 160-200 аъзоси йўл қилингани маълум қилинганди.