Камида 174 маҳбус қўриқчини ўлдириб ва ўзи билан қурол олиб Гаити шимолидаги турмадан қочиб кетди. Бу ҳақда Reuters ахборот агентлиги хабар бермоқда. 

Қочқинлик Аркахай аҳоли пунктидаги турмадан содир этилган. Гаити адлия вазири Камилле Эдуарднинг айтишича, қочқинлардан бири девордан йиқилиб ҳалок бўлган. Маҳбуслар ўқотар қуролларни ўғирлаб кетганлар.

Таъкидланишича, икки маҳбус жароҳат олган. Ҳукумат қочқинларни БМТ тинчликпарвар кучлари ёрдамида қидирмоқда.