«Пари Сен-Жермен» жамоасининг италиялик ярим ҳимоячиси Марко Верратти Франция чемпионатининг 10-турида «Марсель»га қарши кечган ва 0:0 ҳисобидаги дуранг билан якунланган учрашув вақтида майдондан олинганига очиқчасига норозилик билдирди.

Парижликлар бош мураббийи Унай Эмери учрашувнинг 59-дақиқасида ушбу ёш хавбекнинг ўрнига Блез Матюидини туширганди.

«Мен ёмон ўйнаётгандимми? У бу билан мен ёмон ўйнаганимни айтдими?», – дея мурожаат қилган футболчи «ПСЖ» жамоасининг захира ўриндиғидаги футболчилар ва ёрдамчи мураббийларга.

Бу видео маҳаллий телеканаллар хабарларида намойиш этилган.