Ўзбекистон ва Тожикистон икки давлат ўртасидаги виза тартибини юмшатиш масалаларини муҳокама қилади. Бу ҳақда Ўзбекистоннинг Тожикистондаги Фавқулодда ва мухтор элчиси Шоқосим Шоисломовга асосланиб Sputnik Тожикистон хабар тарқатди.

"Аввало бу чегара ўтказув пунктларида фуқароларнинг ўтишларини енгиллаштиришга тааллуқли. У шунингдек чегаролди туманларидаги аҳолининг чегарадан ўтиши, виза олиш жараёнини соддалаштириш ва бошқа масалаларни ўз ичига олади", — деган элчи.

Шу билан биргаликда Шоисломов виза тўлалигича бекор қилиниши ҳақида гапиришга эрта эканлигини қайд этиб ўтган.

"Эҳтимол, бу масала бўйича якуний қарор Афғонистондаги радикал гуруҳларнинг кириб келиш хавфи бутунлай бартараф бўлганидан кейин қабул қилиниши мумкин", — дея таъкидлаган дипломат.

Шунингдек, у бундан 14 йил илгари виза тартиби тожикистонликларга қарши эмас, Тожикистон билан 1,4 минг километр узунликдаги чегарага эга Афғонистондан радикал гуруҳларнинг кириб келишининг олдини олиш учун жорий этилганлигини билдирган.