Москвада номаълумлар томонидан АҚШ элчиси қароргоҳига файерлар ва норозилик билдирилган варақалар улоқтирилди.

Уч нафар ёш йигит Спасо-Хаусдаги қароргоҳга ёқилган файерлар улоқтиришган ва унинг атрофида АҚШ базаларини Европадан олиб чиқиб кетиш талаби билдирилган варақалар сочиб чиқишган. Акциянинг иштирокчиларидан бири ўзини қароргоҳ панжарасига кишанлаб қўйган. 

Полиция норозиларни ушлаган.

"Москва марказида рухсат берилмаган акцияни ўтказганлик учун полиция ходимлари томонидан уч ёш йигит ҳибсга олинган", деб маълум қилди Москва ҳуқуқ-тартибот муассасалари баёнотига иқтибос келтирган ҳолда ТАСС ахборот агентлиги

Таъкидланишича, ҳибсга олинганларга нисбатан "рухсат берилмаган акцияни ўтказиш" ва "полиция ходимларига қаршилик кўрсатиш" маъмурий қоидабузарликлари бўйича иш қўзғатилиши мумкин.