Musulmon oila Isroil aeroportidagi sinagogani masjid deb o‘ylab, unda ibodat qildi

Musulmon oila Tel-Avivdagi Ben-Gurion nomidagi aeroportdagi sinagogada yanglishmovchilik sababli ibodat qildi. Ushbu holat tasvirlangan videoni Yossi Koen ismli foydalanuvchi feysbukda joylashtirdi. 

Breaking Israel News portali ma'lumotlariga ko‘ra, bu 23 oktabrda yuz bergan. Turkiyalik 5 nafar sayyoh bo‘sh sinagogaga kirib, u yerda namoz o‘qigan.   

Musulmon sayyohlar joynamoz sifatida yahudiylar ibodat vaqtida ustlariga kiyib oladigan talitdan foydalanishgan. Sinagoga oldidan o‘tib ketayotgan yahudiy sayyohlarga yanglishishganini aytganda, ular uzr so‘rab, sinagogadan chiqib ketishgan. Ushbu voqea internet foydalanuvchilar tomonidan tanqidlarga sabab bo‘ldi: foydalanuvchilar turkiyaliklarni diniy his-tuyg‘ularni haqoratlashda ayblashgan.