Бутунроссия давлат телерадиокомпанияси журналистларининг Донбассда ҳалок бўлишига оид жиноий иш бўйича Россияда судланган Украина Олий Радаси депутати Надежда Савченко Москвага келди. У Россия Олий судининг украиналик миллатчилар Николай Карпюк ва Станислав Клихларнинг апелляцияси бўйича мажлисида иштирок этади.

РИА Новости агентлигининг ёзишича, Савченко суд биносига Москва вақти билан эрталаб соат 10ларда етиб келган. Депутат суд қароригача бирон бир изоҳ беришдан бош тортган. 

Олий суд мажлисини ўнлаб журналистлар ёритади. Хавфсизлик чоралари кучайтирилмаган. 

Савченко адвокати Николай Полозовнинг РИА Новостига маълум қилишича, Надежданинг Россияга келишига тўсқинлик қилувчи сабаблар мавжуд эмас: "Расмий нуқтаи назардан у мутлақ эркин инсон", - деган эди Полозов.