Трампнинг Голливудда шон-шуҳрат хиёбонидаги юлдузи бузиб ташланди

Жаҳон 26 Октябрь 2016 7554
Фото: Dominic Patten/Deadline

Голливудда АҚШ президенти лавозимига номзод Дональд Трампга аталган юлдуз бузиб ташланди. Бу ҳақда 26 октябрда Deadline нашри хабар берди

Буни Жейми Отис исмли маҳаллий аҳоли вакили қилган. Эркакнинг айтишича, у юлдузни ердан чиқариб олиб, аукционда сотмоқчи бўлган. У тушган пулни Трампни жинсий тажовузларда айблаётган аёлларга бермоқчи бўлган.

Отис Голливуд хиёбонига соат 05:45да босқон (кувалда) ва кирка билан келиб, ишга киришиб кетган. Бу вақтда кўчада одамлар кам бўлган, полициячилар эса умуман бўлмаган. Унга бир неча пиёдалар эътибор қаратган, бироқ қаршилик кўрсатишмаган. Отис юлдузни суғуриб ололмаган, чунки уни синдириб ташлаган.

Бу Трамп юлдузига биринчи тажовуз эмас: январь охирида номаълум кимсалар юлдузнинг чап томонида фашистлар белгиси – свастика чизиб кетишган. Июнда Трампнинг гапларига норозилик сифатида юлдузча устидан чизиб ташланган мегафон (баланд гапиргич) сурати чизиб кетилган. Иккала ҳолда ҳам юлдуз тезда аввалги ҳолатига келтирилган эди.  

Трампнинг номи туширилган эсдалик белгиси 2007 йилда Dolby кинотеатри ёнида ўрнатилган: бўлғуси АҚШ президенти лавозимига номзод The Apprentice телешоусида бошловчи бўлгани учун мукофотланган.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 64285 Жамият
Кун.uz офис изламоқда
15:48 / 06.08.2017 36420 Lifestyle
Хоуп Хикс Оқ уйнинг коммуникациялар бўйича вақтинчалик директори этиб тайинланди
22:42 34 Жаҳон
Трампнинг биргина твити Amazon’нинг деярли 6 млрд доллар йўқотишига сабаб бўлди
22:35 770 Жаҳон
Алмазбек Атамбоев Ўзбекистонга расмий ташриф билан келади
Видеорепортаж: Қўқон-Андижон йўналиши бўйлаб ҳаракатланаётган поезд автомобиллардан илгари манзилига етмоқда
22:28 300 Жамият
Apple шахсий видеоконтентини ишлаб чиқариш учун миллиард доллар сарфлайди
Бошқалар лотинча имлога қандай ўтишди? Мукаммаллик сари ислоҳотлар
22:20 634 Жамият
ОАВ: Роналду ортидан Зидан ҳам дисквалификация қилиниши мумкин
22:05 3103 Спорт
Давлат ва ОАВ: Ахборот майдонида ҳаммага тенг шароит яратилиши керак
Кўпроқ янгиликлар