Туркия президенти Ражаб Тойиб Эрдўған мамлакат армияси Ҳалаб учун бўладиган жангларда иштирок этмаслигини маълум қилди. Бу ҳақда Reuters хабар берган.

Туркия раҳбарининг сўзларига кўра, Сурияда ҳарбий операция олиб борадиган мамлакат қуролли кучлари Манбиж ва Ал-Боб шаҳарларини озод этиш учун йўналтирилади. Буларнинг Ҳалабга ҳеч қандай алоқаси йўқ.

«Биз терроризм учун биргаликда курашишимиз керак. Аммо Ҳалабнинг тақдири унинг аҳолиси зиммасида қолади», — деди Эрдўған.

Агентликнинг маълум қилишича, Туркия президентининг сўзлари Сурия президенти Башар Асаднинг расмий Анқара Ҳалабнинг шимоли ва шарқидаги ҳар қандай ҳаракати борасидаги огоҳлантиришидан сўнг айтилган.