Наркотиклар савдосини ташкиллаштиришда айбланган британиялик ўзини полиция қўлига топширди. Унинг айтишича, мамлакатда энг жиддий даражада қидирилувчи жиноятчилар рўйхатида бўлиш унга оғирлик қилган.

Ливерпуллик 53 ёшли Роберт Жеррард 2014 йилнинг февраль ойидан бери жазодан яшириниб юрган эди.

У ўз адвокати ёрдами билан ўзи қўлга олинган Манчестер шаҳрида жойлашган жиноятчиликка қарши курашиш миллий агентлиги вакили билан учрашишга муваффақ бўлган.

Унга кокаин гиёҳвандлик моддаси контрабандаси билан шуғулланиш айби қўйилган ва у ноябрь ойида суд қаршисига келтирилади.

Бу шу ҳафта қўлга олинган Британияда қаттиқ қидирилаётган жиноятчиларнинг учинчисидир. Улардан бири ёш болаларни зўрлашда айбланган Мэтью Сэммон ва иккинчиси Испанияда қўлга олинган, номусга тегишда айбланган Муҳаммад Аламдир.