Мальта Ташқи ишлар вазири Жорж Велла маълум қилдики, расмий Валлетта мамлакат ҳудудида россияликларнинг кемалари ёқилғи қуйиб олишига рухсат бермайди. Бу ҳақда Times of Malta хабар берган.

Вазирнинг фикрича, Мальта фойда ҳақида эмас, ўз тамойилларига амал қилмоғи зарур.

Шу билан бир вақтда Москва томони Мальтадан кемаларига ёқилғи қуйишга шароит яратиб бериш бўйича сўров йўллаган-йўлламагани аниқ эмас.

Бундан олдинроқ, Россия Мудофаа вазирлиги Ўрта Ер денгизининг шарқий қисмига йўл олган ҳарбий кемаларини, хусусан «Адмирал Кузнецов» крейсерини ёқилғи билан таъминлаш учун Испанияга сўров юбормагани маълум қилинганди.

Мальта Ўрта Ер денгизининг ўрта қисмида жойлашган орол бўлиб, бу оролдан Сурия қирғоқлари яқинигача тўғри йўналиш бўйлаб бошқа порт жойлашмаган.