Американинг Tesla компанияси 2016 йилнинг учинчи чораги учун ҳисобот берди. Ҳужжатларга кўра, машҳур электрокарлар яратувчилари бу даврни 22 миллион АҚШ доллари миқдоридаги соф даромад билан якунлашга муваффақ бўлишган. Бу сўнгги икки йил ичида компания даромад билан якунлаган илк чоракдир. Tesla расмий сайтида шу ҳақида маълум қилинди. 

Компаниянинг умумий даромади 2,3 миллиард АҚШ долларини ташкил қилди – бу 2015 йилнинг худди шу муддатига нисбатан 145 фоизга кўпдир. Электромобиллар ишлаб чиқаришдан тушган умумий даромад эса 2,15 миллиард АҚШ долларига тенг - ўтган йилнинг учинчи чорагига нисбатан 152 фоизга ўсиш кузатилган. Илмий-тадқиқот ишлари компаниянинг 214 миллион АҚШ доллари сарфлашига олиб келди, операцион харажатлар 551 миллион АҚШ долларига тушди. 

Шунингдек Tesla электроавто ишлаб чиқарилиши ҳақида батафсил маълумот берди – бу чоракда улар 24 821та электрокар юклашган, улардан 16 047таси - Model S ва 8 774таси - Model X. Компаниянинг маълум қилишича, бу ўтган йилнинг шу чорагидаги кўрсаткичларни 114 фоизга ортда қолдирган. Шунингдек Tesla йил охирига қадар яна 50 мингта электромашиналарни сотувга қўйишни режалаштирмоқда.