Туркия прокуратураси аксилтеррор текширувлар доирасида 73 нафар ҳарбий учувчини қўлга олиш ҳақида ордер берди. Бу ҳақда 27 октябрь куни ҳуқуқ-тартибот органлари маълумотига асосланиб, Anadolu хабар бермоқда.

Қўлга олиш ишлари мамлакатнинг 17 провинциясида амалга оширилади. Учувчилар Фатҳуллоҳ Гуленнинг Туркияда тақиқланган ташкилотлари сафида ҳаракатланганликда гумон қилинмоқда. Маълум қилинишича, 73 нафар учувчидан 71 нафарининг унвони лейтенантдир.

25 октябрь куни Истанбулда тўрт нафар юқори лавозимли полиция ходими қўлга олинган эди. Улар ҳам Гуленнинг FETO ташкилотига аъзоликда гумонланган.

Эслатиб ўтамиз, Туркия адлия вазири Бекир Бўздоғ мухолифат партиялар депутатлари ҳамроҳлигида АҚШга йўл олди. Томонлар 25 октябрда Туркияга Фатҳуллоҳ Гуленни топшириш бўйича музокаралар ўтказишди.