O‘zbekistonda tadbirkorlar huquqlarining ustuvorligi prinsipi tobora mustahkamlab borilayotgani natijasida Toshkent viloyatida ham tadbirkorlik sub'yektlari yildan-yilga ko‘paymoqda. Bu haqda “Huquq” nashri yozmoqda.
Viloyat hududida noqonuniy faoliyat yuritayotgan yashirin sexlarni aniqlash maqsadida o‘tkazilgan nazorat tadbirlari natijasida 2016 yilning sentabr oyi holatiga ko‘ra, 8 ta alkogolli ichimliklar, 3 ta o‘simlik yog‘i, 39 holatda har xil turdagi mahsulotlar ishlab chiqarish sexlari aniqlandi.
Shuningdek, 427 ta noqonuniy savdo faliyati bilan shug‘ullanish, 123 ta umumiy ovqatlanish shoxobchasi tashkil etish, 205 ta noqonuniy xizmat ko‘rsatish va 507 ta boshqa noqonuniy faoliyatlar bilan bog‘liq holatlar fosh etildi.
