Евроиттифоқ вакиллари ҳамда 24 мамлакат делегатлари Антарктика ҳудудида дунёдаги энг йирик денгиз қўриқхонаси яратилишини тасдиқлашди. Унинг майдони 1,55 миллион квадрат километрдан ортиқ бўлиши режалаштирилмоқда. Бу ҳақида РИА "Новости" хабар берди.

Мазкур қарор Австарлиянинг Хобартида бўлиб ўтган Антарктиканинг денгиз жонли ресурсларини сақлаш комиссиясининг учрашувида қабул қилинди. Янги Зеландия ташқи ишлар вазири Мюррей Маккалининг сўзларига кўра, қўриқхона майдони 1,55 миллион квадрат километрдан ошади. Манбага кўра, ушбу зонада 35 йилга балиқ тутиш  тақиқланади. 

Келишув 2017 йилнинг 1 декабрида кучга кириши режалаштирилмоқда. 

Июнь ойида палеонтологлар 50 миллион йил илгари Антарктика узра кичик аэроплан ҳажмидаги қушлар учганини аниқлашганди.