БМТ махсус қўмитаси ядро қуролини тақиқлаш бўйича музокараларни бошлашга ундовчи резолюцияни қабул қилди, деб хабар қилмоқда ташкилот матбуот хизмати. Ҳужжат Reaching Critical Will ташкилоти сайтида эълон қилинган.

Келаси ҳафтада ушбу ташаббус бўйича овоз бериш ўтказилиши мумкин. Махсус қўмита БМТ Бош Ассамблеясига юборишни режалаштираётган ҳужжат мажбурий эмас, балки тавсия мазмунига эга. Уни Австрия, Мексика, Ирландия, Нигерия, ЖАР ва Бразилия ҳамкорликда ишлаб чиққан.

Резолюция лойиҳасини қўмитанинг 123 аъзоси қўллаб-қувватлаган, 38 нафари норозилик билдирган, 16 нафари, жумладан Хитой, Ҳиндистон ва Покистон бетараф қолган. НАТОга аъзо давлатларнинг 28тасидан 27таси ҳам қарши овоз берган. 

БМТ ХКда вето ҳуқуқига эга бўлган беш давлатдан тўрттаси — АҚШ, Россия, Франция ва Буюк Британия ҳам қарши овоз берганлар сафида экани айтилмоқда. 

Биринчи маслаҳатлашувлар келаси йилнинг март ва июнь ойларида бўлиб ўтади.