Филиппин президенти Родриго Дутерте маълум қилдики, у худога бошқа сўкинмасликка ваъда берган.

Япониядаги 3 кунлик ташрифдан сўнг ўз она шаҳри Даваога келган Дутерте самолётдалигида худо билан "гаплашганини" айтган. Бу ҳақда The Wall Street Journal хабар берди.

Унинг сўзларига кўра, самолётнинг барча йўловчилари ухлаб ётганида у "ўзига гапираётган Худонинг овозини эшитган.

Унга эшитилган овоз агар у сўкинишни бас қилмаса, самолётни қулатишини айтган. Натижада у Худога бундан кейин сўкиниш ва ҳақоратлаш сўзларини ишлатмасликка ваъда қилган.

Даваода Дутерте айтдики, Худога берган ваъдаси филиппинликларга берган ваъдаси ўрнига ўтади.

Филиппин президенти можароли чиқишлари билан маълум. Аввалига у президент Барак Обамани "фоҳишанинг боласи" деганди. Шундан сўнг, Обама Дутерте билан учрашишдан бош тортди. 

Дутертеда БМТ экспертлари билан ҳам зиддият юзага келган. Улар президентни Филиппинда гиёҳвандликка қарши кураш кампаниясини оммавий қотилликларга айлантириб юборганликда айблашган. Бунга жавобан Дутерте уларни "аҳмоқлар" деб атади ва Филиппиннинг БМТдан чиқиши билан таҳдид қилди.

Дутерте ўзини Гитлер билан ҳам тенглаштирди. Унинг бу чиқиши Германияда қаттиқ қораланди.

Дутерте кампанияси давомида 4 мингга яқин кишини ўлдирган бўлсада Филиппин халқи орасида катта нуфузга эга бўлиб қолмоқда.