«Барселона» ҳужумчиси Неймарнинг отаси ўғлининг каталонияликлар жамоаси сафида ўйнаётгани сабабларидан бирини айтиб ўтди.

Унинг айтишича, унинг ўғли ўз кумири Лионель Месси билан бирга майдонга тушиб келиш имконияти мавжудлиги учун шу жамоада қолмоқда.

«Биз барчамиз Месси кимлигини ва унинг қандай аҳамиятга эга эканини биламиз. У Неймарнинг кумири ҳисобланади. Ўғлим Месси билан бир жамоада ўйнаётганидан бахтли. У Месси билан бирга майдонга чиқишдан ва Лионель туфайли «Барселона» сафида ўйнаётганидан ҳамиша хурсанд.

Агар Месси ва Криштиану Роналду бўлмаганида, балки, Неймар ҳам бўлмасди. Пеле ва Марадона ўз вақтида футболчилар учун илҳом манбаи бўлиб хизмат қилмаганида, кўп ўйинчилар етишиб чиқмаган бўларди», — дея бразилиялик футболчининг отаси сўзларини келтирган Сope.