Россия думасининг Севастополдан депутати Дмитрий Белик Россия ва Туркия ўртасидаги муносабатлар яхшилангандан кейин Россиянинг "Варяг" пароми Севастополь портидан Туркиянинг Зўнғулдак портига биринчи марта жўнаганини маълум қилди, деб хабар бермоқда РИА “Новости” ахборот агентлиги. 

Беликнинг айтишича, паром алоқасининг тикланиши икки давлат учун муҳим воқеа бўлди.

"Улар бу паромни гуллар билан бўлмаса-да, бироқ кўзларда хурсандчилик билан кутиб олишларига ишончим комил", деб қўшимча қилди Белик. 

2015 йил Қрим раҳбари Сергей Аксенов Туркия билан паром алоқа ва исталган амалий алоқаларга тақиқлов киритилишини эълон қилганди. Бунга Россияга қарашли Су-24 самолётининг Сурияда турк кучлари томонидан уриб туширилиши сабаб бўлганди.