Сеулда бўлажак Ўзбекистон Республикаси Президенти сайловига бағишланган давра суҳбати бўлиб ўтди

Жаҳон 28 Октябрь 2016 3127

Жорий йилнинг 24 октябрь куни Сеул миллий университети қошидаги Осиё мамлакатларини ўрганиш бўйича илмий-тадқиқот марказида бўлажак Ўзбекистон Республикаси Президенти сайловига бағишланган давра суҳбати бўлиб ўтди.

Тадбирда Жанубий Корея эксперт-таҳлилчилари, шу жумладан, МДҲ ва Марказий Осиё мамлакатларини ўрганишга ихтисослашган Халлим, Донгдук ва Кемёнг сингари олий ўқув юртларининг таниқли экспертлари иштирок этди.

Иштирокчилар мамлакатимизда халқаро ҳуқуқий нормалар, хусусан, БМТ, ЕХҲТнинг тегишли низомларига мувофиқ яратилган сайлов тизими қонунчилиги билан танишди. 

Осиё мамлакатларини ўрганиш илмий-тадқиқот маркази (SNUAC) директори Канг Мёнг Гунинг таъкидлашича, Ўзбекистонда сайлов нормалари, қонунчилигининг тизимли ва босқичма-босқич демократлаштирилиш ҳамда либераллаштирилиши самарасида сайловга тайёргарлик кўриш ҳамда уни ўтказишда том маънодаги очиқлик, ошкоралик ва транспарентлик тамойилларига асосланган демократик амалиётга мувофиқликни таъминлайдиган барча шарт-шароит яратилган.

Ўз навбатида Сиёсатшунослик ва халқаро муносабатлар департаменти директори, SNUAC қошидаги Марказий Осиё мамлакатларини ўрганиш минтақавий маркази раҳбари Шинм Бом Шик тадбирни бошқариб, мазкур давра суҳбати Жанубий кореялик экспертларга Ўзбекистоннинг халқаро стандартларга мувофиқ шакллантирилган сайлов тизимини янада чуқурроқ тушуниши учун яхши имконият яратганини таъкидлади.

Шундан сўнг Корея Республикасининг Ўзбекистондаги собиқ элчиси, Кемён университети сиёсатшунослик ва халқаро муносабатлар факультети профессори Чон Дэ Ван мамлакатларимиз ўртасидаги ўзаро ҳамкорлик алоқаларини бўлажак сайловлардан кейин янада чуқурлаштиришдан Жанубий Корея томони учун муҳим ва манфаатли эканини таъкидлади. Шу боис икки мамлакат ўртасидаги кўп қиррали ҳамкорликни сақлаш ҳамда янада чуқурлаштириш юзасидан томонлар қараши умумийлиги билдирилди.

Тадбир қатнашчилари Ўзбекистонда ислоҳотларни босқичма-босқич чуқурлаштириш борасида улкан ишлар амалга оширилганини таъкидлади. Жумладан, фуқароларнинг сайлаш ва давлат ҳокимияти вакиллик органларига сайланиш ҳуқуқлари кафолатларини мустаҳкамлашга қаратилган сайлов мустақиллигини таъминлаш ҳамда сайлов қонунчилигини ривожлантириш соҳасида ҳам кенг қамровли ислоҳотлар амалга оширилди.

2009 йил февраль ойида ташкил этилган Сеул миллий университети қошидаги Осиё мамлакатларини ўрганиш бўйича илмий-тадқиқот маркази Осиё мамлакатларини ўрганиш бўйича минтақавий ва тематик тадқиқот дастурлари ўртасидаги яқин ҳамкорликни йўлга қўйиш орқали тадқиқот лойиҳалари ҳамда ахборот алмашиш бўйича халқаро дастурларни амалга ошириб келади.

Бугунги кунда марказ Шимоли-Шарқий Осиё, Жануби-Шарқий Осиё ва Марказий Осиё минтақавий илмий-тадқиқот марказларига эга, еттита илмий дастурни амалга оширмоқда ва ижтимой фанлар бўйича йирик ўқув-илмий базаси мавжуд. 

Марказ Мирзо Улуғбек номидаги Ўзбекистон Миллий университети, Тошкент ахборот технологиялари университети, Турин политехника университети, Тошкент тиббиёт академияси сингари олий ўқув юртлари билан ҳамкорлик қилиб келмоқда. 
 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар