Швециядаги жамоа футболчилари сафар ўйинига келган ягона мухлиси билан бирга ғалабани нишонлади

Швециядаги «Ефле» жамоасининг мухлиси ўз севимлиларини қўллаб-қувватлаш учун «Кальмар» жамоасига қарши сафар ўйинига борди. 

У ички чемпионат турнир жадвалида охирги ўриндан бир поғонада турган жамоаси ўйинини кўриш учун 1150 км йўл босиб ўтган.

Футболчилар унинг бу ҳаракатини қадрлашди ва ўйиндан кейин ўзларининг ўйинга келган ягона мухлиси қаршисига бориб, уни олқишлашди.

Қайд этиш керакки, «Ефле» «Кальмар»га қарши ўйинда 11та ғалабасиз сериясини якунлади ва узоқ кутилган ғалабани мухлис билан бирга нишонлади.