Internetda latviyalik 73 yoshli erkak o‘zining Audi 80 avtomobilini koka-kola bilan to‘ldirilgan hovuzda "cho‘miltirgani" videosi paydo bo‘ldi.
Avtomobil egasi hovuzga sellofan koplama yoyib chiqib, uni 12 ming litr koka-kola bilan to‘lg‘azgan. Buning uchun unga 6 ming dona 2 litrlik koka-kola kerak bo‘lgan. Bundan tashqari, hovuzga 40 kg soda solingan.
Video muallifi koka-kola zangni ketkaza olishi haqidagi gapni tekshirib ko‘rishga qaror qilganini aytgan. Biroq erkak tajribasi natijasi haqida ma'lumot bermagan.
Pensioner avtomobilni cho‘miltirish uchun 8 ming yevro sarflagan. Pensiyasi yiliga 2 ming yevroni tashkil qiladigan qariya bu pullarni qarindoshlari unga dori-darmon uchun bergan pullardan yiqqan.