2018 йилдан бошлаб Американинг Red Bull Global Rallycross (GRC) ралли-кросс чемпионатида электрокарлар пойгалари жорий қилинади. Бу оддий таснифдаги — Supercar ва GRC Lite пойгалари каби уикендларда ўказиладиган алоҳида беллашувлар серияси бўлади. Бу ҳақида "Мотор" нашри хабар қилди.

Америка ралли-кроссида икки сониядан кам вақт ичида "юз"гача тезлашишга қодир 600 кучга эга автомобиллар қатнашади. Пойга электрокарларининг техник жиҳатлари ҳозирча ошкор этилмади. 

Red Bull Global Rallycross'нинг олтинчи мавсуми сентябрь ойида якунланди. Бу йилги чемпион Volkswagen Andretti Rallycross жамоаси шарафини Beetle хэтчбэкда ҳимоя қилган Скотт Спид бўлди. Иккинчи ўринни унинг шериги Таннер Фауст эгаллади. Фауст мазкур GRC'нинг икки карра чемпиони ҳисобланади. Ишлаб чиқарувчилар ўрни қуйидагича белгиланди: Volkswagen, Ford, Honda ва Subaru.

GRC'дан ташқари, FIA шафелигида World Rallycross Championship - ралли-кросс бўйича жаҳон чемпионати ҳам ўтказилади. Бу йилги мавсумда биргина Аргентинадаги пойга қолганди, бироқ унда муддатидан илгари ғолиб номи эълон қилинди - Маттиас Экстрем. У Audi S1'да ўз жамоаси учун иштирок этади.