АҚШда кенг кўламли фирибгарлик схемаси фош қилинди

Жаҳон 30 Октябрь 2016 11395
Фото: unionguanajuato

АҚШ федерал ҳукумати ҳинд колл-марказлари иштирокидаги кенг қамровли фирибгарлик схемасини фош қилганликлари ҳақида хабар беришди. Қароқчилар АҚШ фуқароларига Солиқ бошқармаси (IRS) ёки ИИВнинг Миграцион хизмати ходими сифатида қўнғироқ қилиб, улардан таъмагирлик билан пул ундиришган. Бу ҳақида Reuters агентлиги маълум қилди. 

Айблов хулосасида жами 56 нафар АҚШ ва Ҳиндистон фуқароси ҳамда Аҳмадободда (Ҳиндистон) жойлашган 5 колл-марказ  тилга олинган. Мазкур иш Техас штатининг Федерал округ суди томонидан кўриб чиқилади. Унинг доирасида АҚШнинг турли штатларида 20 нафар киши қўлга олинган. 

Манбага кўра, қўнғироқ қилган фирибгарлар қурбонларга қамоқ жазоси билан таҳдид қилиб, солиқлар тўлови ёки қарзларни тўлаш ҳисобига пул ўтказишни талаб қилишган. Товламачиларнинг АҚШ ҳудудидаги "ҳамкорлар"и қурбонлардан пулларни олишган, уларни легаллаштиришган ва Ҳиндистонга ўтказишган.

Товламачиларнинг қурбонлари асосан ёши улуғ кишилар ёки муҳожирлардан иборат бўлган, фирибгарлар муҳожирларга тўлов амалга оширилмаган тақдирда депортация билан таҳдид қилишган. "Деярли 4 йил давомида бу жиноий тармоқ телефонда одамларни алдаш ва таҳдид қилиш учун турли усуллардан фойдаланган, асосий таҳдид - қамоқ жазоси, депортация ва АҚШ ҳукумати билан боғлиқ бошқа муаммолар бўлган", - деди бош прокурор ёрдамчиси Лесли Калдвелл. 

Айблов хулосасига кўра, 15 000 нафардан ортиқ киши фирибгарларга жами 250 миллион доллардан ортиқ пул ўтказган. Қурбонлардан бири уларга ҳаттоки 136 минг доллар ўтказган.

Жиноятчилар телефондаги таҳдидлар билан чекланиб қолишмаган. Колорадо-Спрингзда истиқомат қилувчи киши гўёки солиқ қарзини тўлашга вақтида пул топа олмаганидан кейин жиноятчилар 911га қўнғироқ қилиб, унинг қуроллангани ва полициячиларни ўлдирмоқчи эканини хабар қилишган. Саноқли дақиқалар ичида у кишининг уйини ҳарбийлар ва махсус хизмат ходимлари ўраб олишган. Ҳукумат маълумотларига кўра, воқеа натижасида ҳеч ким жабрланмаган. 

АҚШда телефон ва интернет-фирибгарлиги авжига чиқмоқда. Амалдорларнинг сўзларига кўра, фош қилинган жиноий тармоқ фақатгина  "айсберг чўққиси" бўлиши мумкин. "Биз бир қатор тергов ишларини кузатмоқдамиз ва уларни судгача олиб борамиз, деб умид қиламиз", - дейди IRS бош директори Жей Рассел Жорж. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28039 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14921 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56036 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 637 Жаҳон
Reuters: АҚШ Мисрга ҳарбий ёрдам бермайдиган бўлди
00:34 625 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 2381 Жамият
Германияда Трамп боши шаклидаги гиёҳванд моддали таблеткалар аниқланди
00:21 635 Жаҳон
Сербия Ҳиндистон ва Эрон фуқаролари учун визани бекор қилди
00:18 627 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 856 Жаҳон
Кўпроқ янгиликлар