Хитойнинг Чжэцзян вилоятидаги Чжоушуань шаҳрида биринчи марта Boeing 737 самолётларини якуний йиғиш ва таъминлаш марказлари қурилади, деб хабар бермоқда Boeing компаниясидаги манбага иқтибос келтирган ҳолда People.

Чжэцзян вилояти ҳукумати, Boeing ва Хитойнинг Commercial Aircraft Corp of China (COMAC) компаниялари бу масала бўйича келишув имзолашди. Келишувга Boeing ва COMAC қўшма корхонаси негизида яратилаётган самолётларни якуний йиғиш маркази ва Boeing’нинг таъминлаш марказини барпо қилиш киритилди.

Таъкидланишича, ушбу марказлар компаниянинг Boeing 737 самолётларини ишлаб чиқариш доирасидаги биринчи хорижий саноат тузилмалари бўлади.