Европа Иттифоқи ва Канада Брюсселдаги саммитда эркин савдо (CETA) ҳақида келишувни имзолади, деб хабар бермоқда ТАСС ахборот агентлиги. Ҳужжат томонлар ўртасида 99 фоиз бож тўловларининг бекор қилинишини кўзда тутади ҳамда Канада ва Европа Иттифоқининг 28 та давлати парламентлари ратификация қилишигача кучга киради. 

СЕТА Европа Иттифоқида каттароқ кўламдаги АҚШ ва Европа Иттифоқи ўртасидаги эркин савдо келишувининг прототипи сифатида (TTIP) қаралмоқда. TTIP бўйича музокаралар Европада қаршилик кўрсатилгани сабабли тўхтатилди. Хусусан, ушбу келишувга АҚШ агросаноат мажмуаси томонидан рақаботчиликдан хавотирланган Европа аграрчилари қарши чиққан.

СЕТА’нинг имзоланиши бир ойча аввал Бельгиянинг Валлония вилояти томонидан  тўсилганди. Бироқ 27 октябрда Бельгия федерал ҳукумати ва Еврокомиссия маҳаллий ҳукуматни бу қароридан қайтаришга муваффақ бўлган.