Домен номлар регистратори GoDaddy эмодзили бўш манзилларни қидириш ва уларни  сотиш хизматини ишга туширди.

Мобиль қурилмалар фойдаланувчилари хизмат сайтига кириб, эмодзи символларини киритиб, домен ном бўшлигини текшириб кўришлари мумкин. Хизмат шунингдек пиктограммали тасодифий манзил бўш эканлигини билишни таклиф қилади. Хизмат эмодзи-манзилни йилига 4,99 долларлик ҳақ учун сотади.

GoDaddy маълумотига кўра, ҳозирда эмодзили домен номларини фақатгина .ws. домен ҳудудида сотиб олиш мумкин.

Техник жиҳатдан бундай манзиллардан фойдаланиш имконияти бир неча йилдан бери мавжуд. Бироқ доменлар стандарт компьютер клавиатуралари фақатгина ASCII кодировкасидаги символларни кирита олгани учун унчалик оммабоп бўлмаган. Эмодзи бу тўпламга кирмайди, шунинг учун фойдаланувчиларда доменни манзиллар қаторига киритишда муаммолар вужудга келиши мумкин бўлган.

Cnet маълумотларига кўра, эмодзили домен номларига эҳтиёж интернетнинг мобиль аудиторияси ошгани сайин ошиб борган.