31 oktabrda Italiya poytaxti Rimdagi maktablar 30 oktabrda mamlakatning markaziy qismida yuz bergan zilzila sababli yopiladi. Bu haqda Rim meri Virjiniya Raji feysbukdagi sahifasida ma'lum qildi.
"Rim ma'muriyati dushanba kuni barcha o‘quv maskanlarini zilzila oqibatida shikastlanishlar olganiga batafsil texnik tekshiruvdan o‘tkazish uchun yopishga qaror qildi", deb yozdi Raji.
Avvalroq mutaxassislar zilziladan keyin Rimdagi tarixiy binolarning texnik holatini tekshiruvdan o‘tkazishgandi. Ma'lum qilinishicha, Kollizey shikastlanmagan. Vaqtinchalik metro yopilgan, biroq keyinroq poyezdlar harakati tiklangan.
30 oktabrda Italiyaning markaziy qismida mahalliy vaqt bilan soat 07:40da 6,5 magnitudalik zilzila yuz berdi. Zilzila kuchi Rim va boshqa ko‘plab shaharlarda sezilgan.
