Франциянинг бош адабий мукофоти совриндори 10 евролик чекни қўлга киритади

Жамият 31 Октябрь 2016 2015
Фото: challenges.fr

Бу ҳафта Парижда Гонкур мукофотининг янги совриндорига 10 евролик чек топширилади. Франциядаги бош адабий мукофотнинг пул қисми ўтган асрнинг бошида, мукофот таъсис этилганидан сўнг валюта бозорларида юзага келган муаммолар натижасида қадрсизланган. Бироқ юқори ҳайъат аъзоларининг ишончи комил: ёзувчилар бундан хафа бўлишмайди.

"Бу рамзий чек, - дея изоҳ берди академия президенти Бернар Пиво L'OBS журналига берган интервьюсида. - Ёзувчига унинг муаллифлик ҳуқуқи мукофот келтиради". Жумладан, 2013 йилда "Юқорида учрашамиз" романи учун мазкур мукофотни қўлга киритган Пьер Леметрнинг китоби ўшандан кейин 600 минг нусхада нашр қилинган ва 20 тилга таржима қилинган. 

Энг бадавлат лауреат ҳозирча "Уч нафар кучли аёл" романи (2009) муаллифи Мари Ндьяй. Ҳайъат аъзолари мукофот топширилган кун унга чек топширишни унутишган ва шу боис унга 10 эмас, 11 евро топширишга қарор қилишган. 

"Алабама қўшиғи" романи (2007) учун мукофотга сазовор бўлган Жиль Леруа чекни ўз уйининг деворига осиб қўймоқчи бўлган. Бироқ унга керакли рамка 150 евродан кам бўлмаслигини билиб, бундай ниятидан қайтган. 

Франциянинг таниқли адабий мукофоти ака-укалар Эдмон ва Жюль Гонкурлар томонидан таъсис этилган. Ҳамкасбларини қўллаб-қувватлаш истагида бўлган ака-укаларнинг орзуси 1903 йилда амалга ошган, ўшандан буён бу мукофот ҳар йили адабиёт вакилларига топширилади. 

Гонкур мукофоти француз тилида асар яратувчи ёзувчиларга мўлжалланган.
 

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 24716 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 11974 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 83203 Ўзбекистон
Яна икки ўлим: Саудия Арабистони сўнгги тўрт ойда уч шаҳзодасидан айрилди
20:39 1341 Жаҳон
Тарихда биринчи марта Сатурн атмосферасига киришга муваффақ бўлинди
20:25 677 Жамият
ФИФА йил футболчиси бўлиш учун асосий даъвогарлар рўйхатини эълон қилди
20:19 2773 Спорт
Япониядаги барда маймунлар официантлар сифатида ишламоқда
20:06 1288 Жамият
Конте Белотти трансферини истамоқда, Абрамович бунга қарши
20:06 756 Спорт
Самарқандда ёшлар ташаббуси билан намунали тўй бўлиб ўтди (фото)
20:05 5365 Жамият
Turkish Airlines рейси йўловчиси комага тушиб, самолётда жон берди
19:58 1241 Жамият
Кўпроқ янгиликлар