Сенатор Пакьяо жаҳон чемпионлиги учун рингга чиқади

Спорт 05 Ноябрь 2016 9327
Фото: © AP

Бугун, 5 ноябрда саккиз вазн тоифасида собиқ жаҳон чемпиони филиппинлик Мэнни Пакьяо Бутунжаҳон бокс ташкилоти (WBO)нинг 66,68 кг вазн тоифасидаги чемпиони америкалик Жесси Варгас билан куч синашади. 12 раундлик жанг АҚШнинг Невада штати Лас-Вегас шаҳрида бўлиб ўтади.

37 ёшли Пакьяо америкалик Флойд Мэйуэзерга мағлуб бўлганидан 1,5 йил ўтиб, яна чемпионлик унвонига сазовор бўлиши мумкин. 2015 йил майида ўтказилган бокс томошаси "аср жанги", деб аталган эди. Шундан сўнг, Пакьяо шу йилнинг апрель ойида Тимоти Брэдли билан рингга чиқди ва уни очколар ҳисобида мағлуб этди. Бу жангдан кейин Мэнни Филиппин Сенатига сайлангани муносабати билан профессионал боксни тарк этиши ҳақида эълон қилди. Бироқ, тезда фикрини ўзгартириб, август ойида Варгас билан жанг хусусида шартнома имзолади. 

Айтиш жоизки, Пакьяо ушбу куч синашувида имкониятни бой берган тақдирда ҳам, бокс бўйича жаҳон чемпионлиги учун курашган илк сенатор номи билан жаҳон тарихида қолади. Унинг айтишича, агар Варгасни мағлубиятга учратса, боксчилик фаолиятини давом эттириши мумкин. 

Мусобақада филиппинлик сенатор-боксчи фаворит ҳисобланмоқда. Америкалик Варгас эса, биринчи марта ушбу таснифда унвонини ҳимоя қилади. 

27 ёшли Варгас ўз фаолияти давомида бир неча оғир жангларни ўтказган. Шу боисдан Пакьяо билан жангда кутилмаган натижаларга эришмаган тақдирда ҳам, шунчаки уриладиган қоп ҳам бўлмаслиги аниқ. Аммо, Варгас умумий техник жиҳатдан ва устомонлиги борасида Пакьяодан заифроқ ҳисобланади. Америкалик боксчи унчалик кучли зарбага эга эмас, филиппинлик боксчи эса, сўнгги олти йилдаги жангларида нокаут қила олмаяпти. Шунга кўра, жанг 12 раунд давом этиши эҳтимол. 

Пакьяо 58 марта ғалаба қозонган (38 таси нокаут), 6та мағлубият ва 2та дуранг натижа соҳиби бўлса, Варгас ҳисобида 27 та ғалаба (10 та нокаут) ва битта мағлубият бор.


 

Кун янгиликлари
Сиз сўнгги марта қачон тиббий текширувдан ўтдингиз?
11:11 13186 Жамият
Талаба бўлишни истаганлар учун институтга бепул тайёрланиш имконияти яратилди
09:18 20600 Lifestyle
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 84963 Жамият
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 14327 Ўзбекистон
Ҳиндистонда қуёш панелларига эга илк поезд ишга туширилди (фото)
Халқ сарсон: Мутасаддилар, гапиринглар, ўқувчи мактабда қолсинми ёки коллежга борсин?
20:55 4281 Жамият
Йилнинг 1-ярмида истеъмолчилар фойдасига 2 млрд сўмлик етказилган зарар қайта ҳисоб-китоб қилинди
20:37 1631 Жамият
Бин Лодин, Жиноят, Қамоқ: Озарбойжонда болаларни қандай исмлардан қутқаришмоқда
19:57 4287 Жамият
Анқара терроризмни дастаклашда гумон қилинаётган немис компаниялари рўйхатини қайтариб олди
19:54 1183 Жаҳон
Ноқонуний равишда ер қаъри ва норуда фойдали қазилмаларни қазиб олганлар фош этилди
19:39 4969 Жамият
Кўпроқ янгиликлар