Истанбулда Отатурк номидаги аэропорт биноси ёнида отишма юз берди. Аэропортга кириш ёпиб қўйилди, деб хабар бермоқда маҳаллий маъмурият ва гувоҳларга иқтибос келтирган ҳолда BNO News портали.

Гувоҳларнинг айтишича, аэропорт биносида бир нечта ўқ овозлари эшитилган. Ҳуқуқ-тартибот муассасалари аэропортга олиб борувчи йўлларни тўсиб қўйишган. Бироқ ҳозирга келиб улар очиб юборилган.

Бу орада Reuters ахборот агентлиги отишмани мотоциклда кетаётган номаълум кимсалар тўхташдан бош тортганларидан кейин полициячилар бошлашганини маълум қилди. Бир киши яралангани маълум қилинган.

Кейинроқ полиция кўрсатмаларига бўйсунишни истамаган тахминий қоидабузарлар қўлга олинган. Гумонланувчиларда қурол ёки портловчи моддалар аниқланмаган.