7 ноябрь куни Америка Қўшма Штатларининг Ўзбекистондаги фавқулодда ва мухтор элчиси Памела Спратлен Ўзбекистон давлат жаҳон тиллари университетида бўлди. 

Элчихона ходимларидан иборат махсус делециянинг ташрифдан кўзлаган асосий мақсади таълим даргоҳи талабалари учун ўқув ва бадиий адабиётлар жамланмаларини совға қилишдан иборат бўлди.

Икки томон ўртасида ўтказилган махсус мулоқот давомида ҳамкорликнинг келгуси режалари, илмий, маданий ва бошқа йўналишлардаги янги лойиҳалар муҳокама қилинди.

Университет фаолияти билан танишиб чиққач, меҳмонлар кутубхонада талабалар билан уюштирилган учрашувда иштирок этишди.

Ахборот ресурс марказига тақдим этилган 100 нусхадаги китоблар махсус кўргазмали бурчакдан ўрин олишди.

Манба: fledu.uz