Туркия президенти Ражаб Тойиб Эрдўған Дональд Трампнинг АҚШ президентлигига сайланиши мамлакатда янги давр бошлаб бериши ҳақида айтиб ўтди. У бу ҳодиса Яқин Шарқдаги вазият барқарорлашуви омили бўлишига умид билдирган.

"Америкада янги давр бошланди. Истардимки, бу сайлов америкаликларга фаровон келажак, муваффақият, шунингдек, ҳуқуқ ва эркинлик, демократия ва бизнинг минтақамизга тинчлик олиб келади", — деган Эрдўған Истанбулда тадбиркорлар билан учрашуви чоғида.

Республикачилар номзоди Дональд Трамп АҚШ президентлиги учун сайловда муддатидан олдин ғалаба қозонди. Демократик партия номзоди Ҳиллари Клинтон Трампга қўнғироқ қилиб, ўз мағлубиятини тан олиб, уни табриклади.