Дональд Трампнинг президентлик сайловларидаги ғалабаси АҚШнинг бошқа мамлакатлар билан муносабатларида янги даврга старт беради. Трампнинг маслаҳатчиси Картер Пейж ана шундай баёнот билан чиқди. Дастлабки натижаларга кўра, Трамп АҚШ президентлик сайловларида ғалаба қозонишга муваффақ бўлди. 

"Бу янги давр, АҚШ бошқа мамлакатлар билан муносабатларини ижобий томонга ўзгартиради", - деди Пейж РИА "Новости"га берган хабарида. 

АҚШ президентлик сайловлари 8 ноябрда икки босқичли тизимга асосан ўтказилди. Конгресс 2017 йилнинг 6 январида овоз бериш натижаларини расман тасдиқлайди. Янги сайланган президент 20 январдаги инагурацияда ўз лавозимига киришади.