Туркия бош вазири Биноли Йилдирим ва мамлакат Ташқи ишлар вазири Мавлуд Човушўғли Дональд Трампни АҚШ президентлиги учун сайловларда ғолиб чиққани билан табриклади. Бу ҳақда Reuters хабар тарқатди.

«АҚШни ва мамлакатнинг янги президенти Дональд Трампни табриклайман. АҚШ билан ўзаро ишонч устига қурилган стратегик ҳамкорлик кучайишда давом этишини тилайман», — деган Човушўғли.

Эслатиб ўтамиз, республикачи Дональд Трамп 279 овоз олиб, 218 овозга эга бўлган демократ Ҳиллари Клинтонни ортда қолдирган ҳолда АҚШнинг янги президентига айланди.