Бугун 10 ноябрь куни Ўзбекистон халқ шоири, Ўзбекистон қаҳрамони, Ўзбекистон давлат мадҳияси муаллифи Абдулла Орипов ватанида ерга қўйилди. Шоирнинг Дўрмондаги хонадонида жаноза ўқилган ва марҳум Тошкент шаҳридаги «Чиғатой» қабристонига дафн қилинган. 

Шоирни сўнгги манзилга кузатиш учун қариндошлари, дўстлари, шоирлар, ёзувчилар, маданият ва санъат олами вакиллари, давлат ва жамоат ташкилотларининг ходимлари жам бўлишди.

Абдулла Орипов давомли хасталикдан сўнг 5 ноябрь куни АҚШнинг Хьюстон шаҳрида вафот этган эди.

Марҳумнинг жасади 9 ноябрь куни Тошкентга олиб келинган.