Қирғизистон Республикаси мустақиллигининг 25 йиллиги муносабати билан мамлакатдаги мингдан зиёд маҳбус амнистия акти туфайли озодликка чиқарилди. Бу ҳақда ҳукумат маълумотига асосланиб, давлат жазони ижро этиш хизмати маълум қилмоқда.

"Давлат жазони ижро этиш хизмати Қирғизистон Республикасининг “Қирғизистон Республикаси мустақиллигининг 25 йиллигини ва 1916 йилги миллий озодлик ҳаракатининг 100 йилиги муносабати билан амнистия эълон қилиш тўғрисида”ги қарорини амалга оширди. Ушбу қарор ижроси натижасида жазони ўташ муассасаларидаги 1277 маҳбус озод этилди", — дейилади хабарда.

Қарорга биноан 1 минг 163 кишининг жазо муддати қисқартирилган. Шунингдек, манбанинг таъкидлашича, 927 нафар маҳбусга нисбатан жиноят-ижроя инспекциясида амнистия акти қўлланилган.