AQShning yangi saylangan prezidenti Donald Trampning ta'kidlashicha, yaqin orada u Rossiya prezidenti Vladimir Putin bilan telefon orqali muloqot o‘tkazadi. U prezidentlik saylovidan keyingi ilk intervyusida shunday bayonot bergan. Suhbat matni The Wall Street Journal nashrida chop etilgan.
Gazetaning yozishicha, Tramp tashqi siyosat haqida fikr yuritar ekan, XXR raisi Si Tszinpindan boshqa aksariyat jahon mamlakatlari yetakchilaridan tabriknoma olgan, ayrimlari bilan telefon orqali suhbatlashganini ma'lum qilgan. Nashrga ko‘ra, "Tramp Rossiya davlat rahbari Vladimir Putindan ajoyib maktub olganini qo‘shimcha qilib, tez orada ular o‘rtasida telefon orqali suhbat bo‘lishini aytgan". Ayni chog‘da, nashr milliarderning bu boradagi aniq so‘zlarini keltirmagan.
