Жаҳонга машҳур актёр ва жанг санъати устаси Жеки Чан кинематографиядаги хизматлари учун "Оскар" мукофоти билан тақдирланди. Бу ҳақда АҚШ киноакадемияси маълум қилди.

Актёрни кинематография соҳасидаги энг нуфузли мукофот билан тақдирлаш маросими 12 ноябрда Лос-Анжелесда бўлиб ўтди.

"200 фильм яратилишидаги иштирок ва кўплаб жароҳатлардан кейин... Ниҳоят, у меники", деб айтди Чан мукофотнинг топширилиши вақтида.

Актёр 100 дан кўпроқ фильмларда бош ролларни ижро этган. У актёрлик истеъдодидан ташқари, жанг санъатларини билиши ва комедик қобилияти билан ҳам машҳур.